Tables.

Includes bibliography leaves: 45-48.

"Ang pag-aaral na ito ay naglalarawan sa antas ng kakayahan sa pagsulat na nakaaapekto sa komprehensyon ng mga mag-aaral. Sakip ng pag-aaral na ito ang mga mag-aaral sa Ikapitong baitang sa pampublikong paaralan sa Amio Comprehensive High School, ikaapat na distrito ng Lungsod ng Santa Catalina, Negros Oriental. Ang pag-aaral na ito as nasa anyong Palarawan at Korelasyonal. Napatunayan na mas nagpamalas ng namumukod tanging kakayahan ang karamihan sa mga mag-aaral sa gawaing konseptuwal at nagpakita ng katamtamang kakayahan naman sa kasanayan sa bokabularyo at may natatanging kakayahan naman sa panggramatikal na aspeto. Natatangi ang kakayahan ng mga mag-aaral sa aspetong komprehensyon gaya ng pagtala ng detalye, pagbuo ng kinahinatnan, pagtukoy sa katotohanan at opinyon at pagkilala ng karakter sa kuwento. Habang namumukoditangi naman ang kanilang kakayahan sa pagbuo ng konklusyon at katangi-tanging kakayahan sa pagbuo ng imperensiya. Subalit napakababa ang kanilang kakayahan sa aspetong tamnag pagkakasunod-sunod ng mga pangyayari at pagtukoy sa pangunahing ideya ng teksto. Lumabas ding may kaugnayan sa pagitan ng antas ng kanilang kakayahan sa pagsulat at ang kanilang kakyahan sa: pagtatala ng detalye; pagtukoy sa pangunahing ideya; pagbuo ng kinahinatnan; pagbuo ng konklusyon; at pagkilala sa mga karakter ng teksto. Ang mga babae ay may mas mataas na antas ng kakayahan sa kabuuang salik ng komprehensyon kompara sa mga lalaking mag-aaral. Napatunayan din na ang kabuuang kita ng pamilya bawat buwan ay may signifikant sa kaugnay sa antas ng kakayahan sa pagsulat. Sa kabuuan, natatangi ang antas ng kakayahan ng mga mag-aaral sa kanilang pagsulat." --Abstract