Ang Wow, Filipino! ay serye ng mga aklat sa Filipino sa Junior High School na maingat na inihanda sunod sa K-12 Curriculum ng Kagawaran ng Edukasyon. Tampok dito ang mga bagong akdang pampanitikang masusing sinaliksik at masinop na isinalin o muling-isinalaysay mulâ sa Pilipinas at iba't ibang panig ng mundo. Nagbibigay ito ng ekspertong talakay sa mga paksang pangwika at pampanitikan na sinusuportahan ng mga gawaing tumutugon sa kalikasán at pangangailangan ng Generation Z.
Sumusunod ang Wow, Filipino! sa framework ng Outcomes-Based Education (OBE). Bawat aralin ay nagsisimula sa mga layuning pampagkatutong (expected learning outcome) inaasahang makakamit ng mga mag-aaral. Sinusundan itong gawain sa pagtataya (assessment task) na titiyak naman ng matagumpay napagkakamit ng nasabing mga layunin. Ang gawain sa pagtataya ay nakabatay sa disenyong Problem-Based Learning (PBL) upang matiyak na kontekstuwalisado ito sa realidad ng buhay at nakatutugon sa tunay na mga suliranin ng tao, lipunan, o mundo. Ipinakikita ang tumbasan ng gawain at target na layunin upang malinaw na masundan ang pagkakatugma-tugma (constructive alignment) ng layunin-pagtataya-aralin-gawain. Bawat gawain sa pagtataya ay ginagabayanng komprehensibong rubrics.
Nililinang ang mga kasanayang pampagkatuto sa ika-21 siglo, sagana sa mga gawaing magpapataas ng kakayahan sa pananaliksik, may matibay na integrasyon ng teknolohiya, maraming pagkakataon sa kolaborasyon-palalalimin ng serye ang pagpapahalaga ng mga mag-aaral sa kanilang katutubo at pambansang pagkakakilanlan habang pinalalawak ang kanilang oryentasyong global.
Kaysayang matuto! Kaysarap maging Pilipino! Wow,Filipino!

Includes bibliographical references, indexes, and glossarries.