Inihanda ng Brilliant Creations Publishing, Inc.ang aklat na Bukal ng Lahi 9: Serye sa Filipino (Edisyong K to 12) para sa mga mag-aaral ng ikasiyam na baytang. Ito ay karugtong ng serye ng aklat na Bukal ng Lahi, na nakaayon sa mga aralin sa K to 12 Filipino Gabay Pangkurikulum na ipinalabas ng Departamento ng Edukasyon.
Layunin ng aklat na ito na malinang sa mga mag-aaral ang kakayahang komunikatibo, replektibo/mapanuring pag-iisip, at pagpapahalagang pampanitikan. Upang matamo ang layuning ito, sinikap na mapalawig ang mga kaalaman at pagsasanay sa aklat upang ang mga mag-aaral ay magkaroon ng mayamang karanasan sa paglinang ng kanilang kakayahan sa:
1. pagpapamalas ng pag-unawa at pagpapahalaga sa mga akdang pamapanitikan ngTimog-Silangang Asya;
2. pagsasagawa ng malikhaing panghihikayat tungkol sa isang book fair ng mga akdang pampanitikan;
3. pagpapamalas ng pag-unawa sa mga piling akdang tradisyunal ng Silangang Asya;
4. pagsulat ng sariling akda na nagpapakita ng pagpapahalaga sa pagiging isang Asyano;
5. pagpapamalas ng pag-unawa at pagpapahalaga sa mga akdang pampanitikan ng Kanlurang Asya;
6. masining na nakapagtatanghal ng kulturang Asyano batay sa napiling mga akdang pampanitikang Asyano; at
7. pagpapamalas ng pag-unawa sa isang obra maestrang pampanitikan ng Pilipinas.
Ginawang magkalapat ang pagtalakay ng mga araling pampanitikan at pangwika upang maging lalong makahulugan at makabuluhan ang paglinang ng kahusayan sa komunikasyon. May mga gawaing papangkat na naglalayong higit pang makahikayatng aktibong pakikiisa sa talakayan. May mga panapos na gawain sa bawat aralin nahumahamon sa mga mag-aaral na maging malikhain, matatas, at epektibo sa paggamit ng Filipino sa pakikipagtalastasan.
Nawa'y makatulong ang aklat na ito sa paglinang ng inaasahang mga pamantayan para sa mga mag-aaral, at sa paglinang ng higit pang pagpapahalaga sa sariling kultura, sa pamamagitan ng iba't ibang mga panitikang pambansa.

Includes bibliographical references and glossaries.