Inihanda ng Brilliant Creations Publishing, Inc. ang aklat na Bukal ng Lahi 10: Serye sa Filipino (Edisyong K to 12) para sa mga mag-aaral ng ikasampung baytang. Ito ay karugtong ng serye ng aklat na Bukal ng Lahi, na nakaayon sa mga aralin sa K to 12 Filipino Gabay Pangkurikulum na ipinalabas ng Departamento ng Edukasyon.
Layunin ng aklat na ito na malinang sa mga mag-aaral ang kakayahang komunikatibo, replektibo/mapanuring pag-iisip, at pagpapahalagang pampanitikan. Upang matamo ang layuning ito, sinikap na mapalawig ang mga kaalaman at pagsasanay sa aklat upang ang mga mag-aaralay magkaroon ng mayamang karanasan sa paglinang ng kanilang kakayahan sa:
1. pagpapamalas ng pag-unawa at pagpapahalaga sa mga akdang pampanitikan;
2. pagbubuo ng kritikal na pagsusuri sa mga isinagawang critique tungkol sa alin mang akdang pampanitikang Mediterranean;
3. pagpapamalas ng pag-unawa sa mga piling akdang pampanitikan ng mga bansang kanluranin;
4. paglalathala ng sariling akda sa hatirang pangmadla (social media);
5. pagpapamalas ng pag-unawa at pagpapahalaga sa mga akdang pampanitikan ng Africa at Persia;
6. panghihikayat tungkol sa kagandahan ng alinmang bansa batay sa binasang akdang pampanitikan; at
7. pagpapamalas ng pag-unawa at pagpapahalaga sa nobelang El Filibusterismo bilang isa sa obra maestrang pampanitikan.
Ginawang magkalapat ang pagtalakay ng mga araling pampanitikan at pangwika upang maging lalong makahulugan at makabulhan ang paglinang ng kahusayan sa komunikasyon. May mga gawaing papangkat na naglalayong higit pang makahikayat ng aktibong pakikiisa sa talakayan. May mga panapos na gawain sa bawat aralin na humahamon sa mga mag-aaral na maging malikhain, matatas, at epektibo sa paggamit ng Filipino sa pakikipagtalastasan.
Nawa'y makatulong ang aklat na ito sa paglinang ng inaasahang mga pamantayan para sa mga mag-aaral, at sa paglinang ng higit pang pagpapahalaga sa sariling kultura, sa pamamagitanng iba't ibang mga panitikang pambansa.

Includes bibliographical references and glossaries.