Ang aklat na ito ay isang serye ng sangguniang aklat na inihanda para sa mga mag-aaral at guro ng Baitang 7 hanggang 10. Tinutugunan nito ang mga pangangailangan ng guro at mag-aaral sa pag-aaral ng mga batayang paksa alinsunod sa kurikulum ng K to 12. Tinitiyak nito na sa bawat aralin ay nalilinang ang mga makrong kasanayan sa pakikinig, pagsasalita, panonood, pagbasa, at pagsulat. Lalo pa nitong pinagyaman ang mgakomunikatibong gawain sa pagbasa at gramatika para sa pagtamo ng layuning malinang ang mapanuring pag-iisip at mapaunlad ang pag-unawa at pagpapahalagang pampanitikan.
Sa bagong edisyong ito ng aklat ay nag dagdag din ng bahagi upang matiyak na mapapalawak ang kultural na literasi ng mag-aaaral.
Tiyak na kagigiliwan ng mag-aaral ang mga gawaing inihanda sapagkat isinaalang-alang ang kaniyang katangian bilang mag-aaral sa ika-21 siglo.
Ang aklat na ito ay pinamagatang Vinta Paglalayag sa Wikang Filipino sapagkat mapagtatanto ng mag-aaral na ang pagkatuto ay tulad ng isang paglalakbay. May paghahanda bago simulan ang paglalakbay. Maypaggalugad ng mga kaalaman kung saan nangyayari ang pagtuklas, pagsuri,at paglikha ng mga bagong ideya. Sa dulo ng paglalakbay, may pagninilay-nilay sa mga natutuhan at sa prosesong pinagdaanan tungo sa pagkatuto.