Ang Kultura, Kasaysayan, at Kabuhayan (KKK) 5 ay iyong aklat para sa Araling Panlipunan 5. Naaayon ito sa K to 12 Kurlkulum na ipinatupad ng Kagawaran ng Edukasyon para sa mas malawak na pag-aaral ng Sibika, Kultura,at Kasaysayan.
Sadyang isinulat ang aklat na ito para sa iyo. Hinahangad namin namapalawak ang iyong pag-unawa at pagpapahalaga sa kasaysayan ng Pilipinas na tumulong sa paghubog ng pagkakakilanlang Pilipino. Layunin din ng aklat na ito na malinang ang pagiging makakalikasan, makatao, at makabansa ng isang batang tulad mo na may pagpapahalaga sa mga usapin sa lipunan sa nakaraan at kasalukuyan nang sa gayon ay maging kaaya-aya at maunlad ang kinabukasan ng ating bansa.
Sa pag-aaral ng aklat na ito, iyong mauunawaan at mapahahalagahan ang pagkakabuo ng kapuluan ng Pilipinas at ang mga sinaunang lipunan hanggang sa malalaking pagbabagong pang-ekonomiya at ang naging implikasyon nito sa lipunan sa simula ng ikalabing siyam na siglo.